БНСУ-ын Пёнчан хотноо болж буй дугуйт цанын “Азийн цом”-ын аварга шалгаруулах тэмцээнд Монголын гүйлтийн цанын үндэсний шигшээ баг бүтэн бүрэлдэхүүнээрээ оролцож байна.

Эмэгтэйчүүдийн ойрын зайн уралдаанд Монголын тамирчин Э.Ариунтунгалаг дөрөвдүгээр байр эзэлжээ. Мөн тус уралдаанд манай багийн бусад тамирчид дараах амжилтыг үзүүллээ.

Эрэгтэйчүүдээс Б.Ачбадрах тавдугаар байр, О.Золбаяр 8, Т.Өсөх-Ирээдүй 10, А.Хүслэн 26-р байр эзэлсэн бол эмэгтэйчүүдээс Т.Ариунболд 9, Б.Номин-Эрдэнэ 13, Н.Нандинцэцэг 15-р байр эзэлжээ.Тэмцээнд БНХАУ, Казахстан, Тайланд зэрэг нийт долоон орны 50 гаруй тамирчин оролцож байгаа бөгөөд уралдаан өнөөдөр дундын зай, маргааш холын зайн төрлөөр үргэлжлэх юм.