“Vandebo” хамтлагийн гишүүн Эбо буюу Б.Эрдэнэболд өсвөр насны хүүгийн биед халдаж байгаа бичлэн өчигдрөөс олон нийтийн сүлжээнд цацагдсан билээ.

Тэрбээр бичлэг цацагдсаны дараа уг асуудлыг "Болоод өнгөрсөн. Хэрэг шийдэгдсэн" хэмээн өөрийн цахим хуудастаа бичсэн юм. Мөн түүнд цохиулсан өсвөр насны хүүхдийг түрүүлж зодоонд турхирсан мэтээр мэдэгдэл гаргасан бөгөөд ЦЕГ-ын Урьдчилан сэргийлэх газрын хэлтсийн дарга, цагдаагийн хошууч Г.Мөнхбаяраас тодруулахад “Энэ хэрэг өнгөрсөн зургадугаар сарын 22-23-нд шилжих шөнө Баянзүрх дүүргийн нутаг дэвсгэрт гарсан болох нь тогтоогдсон. Иргэн Б.Эрдэнэболдын эл үйлдэлд өчигдөр зөрчлийн хэрэг нээж, Баянзүрх дүүргийн Цагдаагийн II хэлтэст шалгаж байгаа” гэв.