Баянзүрх дүүргийн нэгдсэн эмнэлгийн хүүхдийн тасагт хэвтэж байсан ой долоон сартай хүүхдийн уян зүүний тагийг сольж, цустай таг хийснээс болж хүүхдийн биеийн байдал хүндэрсэн талаар тус эмнэлгийн Хяналт, үйлчилгээ, удидлагын албаны дарга н.Долгорсүрэнгээс тодрууллаа. Тэрбээр “Хүүхдэд тавьсан уян зүүний таг унаж, өөр тагаар сольж таглахдаа цустай тагаар тагласан гэх асуудал манай эмнэлэг дээр гарсан. Тухайн өдөр хүүхдийн тасагт ажиллаж байсан эмч нар, сувилахуйн албаны ажилчдаас тодруулга авсан. Асуудалд зохих хэмжээний хариуцлага авна. Мөн сувилагчийн биед халдсан ээжийн тухай хуулийн байгууллагад мэдэгдэнэ. Тухайн үед өрөөний камер түр ажиллаагүй байсан. Манай сувилагч цустай тагаар уян зүүны тагыг солиогүй гэдэгт итгэлтэй байна” гэв.