Эм эмнэлгийн хэрэгслийн тухай хуулийн шинэчилсэн найруулга энэ сарын 1-ээс хэрэгжиж эхэлсэн. Үүнтэй холбоотойгоор Эм, эмнэлгийн хэрэгслийн хяналт зохицуулалтын газрын Эмийн аюулгүй байдлын тандалт судалгааны газрын дарга П.Цэцгээ мэдээлэл өглөө.

Тэрбээр “Эм, эмнэлгийн тухай хуулийн шинэчилсэн найруулга аравдугаар сарын 1-ний өдрөөр мөрдөгдөж эхэлж байна. Энэ хуульд эм, эмнэлгийн хэрэгслийн чанар аюулгүй байдалтай холбоотой олон зарчмын өөрчлөлт орсон. Жороор олгодог эмийг жороор олгоно гэдэг зохицуулалт анхны хуулиудын нэг, олон жил мөрлөгдөж байгаа. Жороор олгохтой холбоотой шинэ зохицуулалт ороогүй. Тус хуулийг дагаж гарсан зөрчлийн тухай хууль дээр санкц нь нэлээн нэмэгдсэн. Монгол Улсад бүртгэлтэй 4200 гаруй эм бий. Үүний 1800 орчим нь жоргүй олгодог эм. Дээрх эмүүдийг эм зүйчтэйгээ ярилцаад авна. Тус эмийн мэдээллийн манай байгууллагын эмийн бүртгэлийн мэдээллийн сангаас авч болно. Жишээ нь ибупрофен 100-600 мл гэсэн тунтай байдаг. Тус эмийн бодис агуулсан 60 орчим эм байгаа үүнээс зургаа нь жороор олгох эм. Олон улсын жишгээр тарилгын эмийг гэрийн нөхцөлд хэрэглэх боломжгүй. Тарилга бол эмнэлгийн нөхцөлд болон жороор олгох журамтай байдаг. Яаралтай тусламжтай холбогдож үзүүлээд жороо бичүүлэх хэрэгтэй. Эмийн чанар, аюулгүй байдал хамгийн чухал. Жороор олгодог эмийг эмчийн жоргүйгээр худалдаалсан бол өмнө нь 50 мянган төгрөгөөр торгодог байсан бол одоо 500 мянган төгрөгөөр торгоно” гэв.