ОУХМ О.Хулан БНХАУ дээд лигийн “Wuhan Shengfan” сагсан бөмбөгийн багтай гэрээ хийж, Монголын анхны гадаад улсын багт тоглохоор гэрээ хийсэн эмэгтэй легионер болж буй юм.

О.Хулан зургадугаар сард Хятадын Ухань хотноо болсон 3х3 сагсан бөмбөгийн эмэгтэйчүүдийн цуврал тэмцээнд шигшээ багийн хамт оролцож, гуравдугаар байр эзэлсэн. Тэмцээний үеэр Ухань хотын  "Wuhan Sanfran" багийг 21-12 харьцаагаар хожсон юм. Уг тоглолтын дараагаар түүнийг Хятадын баг элсүүлэх хүсэлтэй байгаагаа илэрхийлж бэлтгэлийн төвдөө есдүгээр сард урьж хамтарсан бэлтгэл, тоглолт хийсэн аж.

Тэрбээр 1999 оны долдугаар сарын 27-нд төрсөн. "Токио-2020" олимпын наадмын тугчаар сонгогдож байсан тэрбээр тухайн жилдээ багийнхаа хамгийн залуу тамирчин байжээ. 180 см өндөртэй бөгөөд МУИС-ийг санхүү, менежментийн чиглэлээр төгссөн. 18 настай байхдаа их сургуулийн шигшээ багт орж, сагсан бөмбөгөөр тууштай хичээллэж эхэлжээ. NBA-ын тоглогчдоос Стефин Каррид хамгийн их дуртай.

О.Хулан Монгол Улсын шигээ багийн тамирчин "Эрдэнэт Майнерс” багийн тоглогч О.Энхбаатарын дүү юм. ОУХМ О.Хулан ахтайгаа хамт  Малдив Улсад болсон Азийн клубуудын аварга шалгаруулах тэмцээнээс медаль хүртсэн бөгөөд хоёулаа MGL3X3 лигт түрүүлж байжээ.

Түүний инстаграм хаяг: _khulan