Дэлхийн түүхэнд аравдугаар сарын 7-нд өрнөж байсан онцлох үйл явдлуудыг хүргэж байна.

ОХУ-ын Ерөнхийлөгч Владимир Путин энэ өдөр мэндэлжээ

Владимир Владимирович Путин 1952 оны аравдугаар сарын 7-нд хуучин Ленинград, өнөөгийн Санкт-Петербургт төржээ.  Хүүхэд ахуйгаасаа тагнуулч нарын тухай кино үзэх дуртай, спортоор хичээллэж эхэлсэн хүүхэд байв. Тэрээр самбогийн спортын мастерыг 1973 онд, жүдо бөхийн спортын мастерыг 1975 онд тус тус авч байжээ. Путин 1970 онд Ленинградын их сургуулийг олон улсын хуулийн ангиар дүүргэсэн байв. Дээд сургуулиа төгсөөд Зөвлөлтийн Улсыг аюулаас хамгаалахад ажиллаж эхэлсэн байна.Тэрээр Ю.В.Андроповын нэрэмжит улаан тугийн институтыг төгсгөөд 1984 оноос Германд томилолт авч Дрездены Зөвлөлт-Германы найрамдлын ордны захирлаар  ажиллажээ. 1992 онд дэд хурандаа цолтойгоор КГБ-гийн “үйл ажиллагааны бэлтгэлд” оржээ. 1998 онд ОХУ-ын ерөнхий сайдаар томилогдон ажиллаж байгаад Ельцин тушаалаа орхисны дараа Төрийн тэргүүний үүрэг гүйцэтгэж байжээ.

Орос-Францын холбооны бэлгэдэл III Александрын гүүр

Өнөөгөөс 110 жилийн өмнө Франц-Оросын бэлгэдэл болсон III Александрын гүүрний шавыг Парис хотноо тавьжээ. Франц-Оросын 1891-1917 онуудын холбоо нь Францаас зээл авч оронд нь Орос Францыг цэргийн дэмжлэгээр дэмжихэд үндэслэгдсэн байлаа. Франц-Пруссийн дайнд ялагдсан мөн 1881 онд Герман нэгдсэн зэрэг нь Францыг ийм холбоонд оруулж өгчээ.

Dow Jones-ийн индекс анх хэвлэгджээ

АНУ-д биржийн индексийн хамгийн анхдагч нарын нэг Dow-Jones-ийн индекс энэ өдөр хэвлэгджээ. Тэр нь төмөр замын 20 том компанийн хувьцааны дундаж үнийг жагсаалт байлаа. Орчин үеийн аж үйлдвэрийн 20 том корпорацийн хувьцааны Dow Jones Industrial Average (DJIA) индекс 1929 онд гарч ирсэн байна.

Хамас бүлэглэл Газын зурвас дахь цохилт

2023 оны аравдугаар сарын 7-нд Палестины хэт даврагч “ХАМАС” бүлэглэл Израилын хотууд руу агаар, газар, усан замаар зэрэг цохилт өгч, иргэдийн барьцаалсан байдаг. Улмаар “ХАМАС”-ын гэнэтийн дайралттай холбоотойгоор Израилын Ерөнхий сайд Бенжамин Нетаньяху тус бүлэглэлийг дайн зарласан хэмээн үзэж Газын зурвас руу цэргээ оруулжээ.