Apple компанийн Iphone 16 загварын утас худалдан авагчдад хүрч эхлээд удаагүй байна. Энэ удаагийн Iphone загвар  iPhone 16, iPhone 16 Plus, iPhone 16 Pro, iPhone 16 Pro Max гэсэн дөрвөн хувилбартай. Тус шинэ загварын утас өмнөх  Iphone 15 хувилбартай ижил үнээр буюу 2.7-5.4 сая төгрөгийн хооронд үнэтэй байх аж. Тэгвэл тус утсыг албан ёсны сайтаас худалдаж авах үнийг танилцуулж байна.

• iPhone 16: $799 (128GB), $899 (256GB), $1,099 (512GB)
• iPhone 16 Plus: $899 (128GB), $999 (256GB), $1,199 (512GB)
• iPhone 16 Pro: $999 (128GB), $1,099 (256GB), $1,299 (512GB), $1,499 (1TB)
• iPhone 16 Pro Max: $1,199 (256GB), $1,399 (512GB), $1,599 (1TB)

​

Шинэ загварын iPhone 16 загвараас гадна iPhone 15 Pro хувилбаруудад дараах шинэ тохиргоо нэмэгдсэн.  Гараар бичсэн богино тэмдэглэлийг бүтэн өгүүлбэр болгон мессэж, документ хэлбэрт хөрвүүлэх, эможийг ямар хэлбэртэй харагдуулахаа бичиж илэрхийлэх, бичсэн текстээс зураг үүсгэх Image Playground, бичсэн текстийн агуулга дээр үндэслэн гэрэл зураг хайж, илэрсэн зургуудыг цомог болгон харуулах, имэйл, уулзалтын тэмдэглэл зэргийг дүгнэж эмхэтгэх, Apple Intelligence нь бас Siri дуу хоолойгоор удирдагддаг туслагчийг илүү сайжруулжээ.

Мөн iPhone 16 хувилбарууд хөнгөн цагаан, iPhone 16 Pro хувилбарууд титан хүрээтэй үйлдвэрлэгдсэн бол Iphone 16 хувилбарууд ягаан, хөх цэнхэр, цайвар ногоон, цагаан, хар өнгөний сонголттой байгаа юм.

iPhone 16 загварын бүх хувилбарууд “Camera Control” нэртэй шинэ физик товчтой болжээ.