Ерөнхий сайд Л.Оюун-Эрдэнийн Залуучуудын асуудал эрхэлсэн зөвлөх Б.Гантулга найз бүсгүйгээ зодож буй дүрс бичлэг цахим орчинд тарсан. Үйл явдлын дараа түүнийг цагдаагийн байгууллага шалгаж эхэлсэн бөгөөд удалгүй найз бүсгүй Н.Урин цахим сүлжээндээ тайлбар бичиж, хамтдаа дүрс бичлэгээр тухайн үед юу болсон талаар тайлбар хийсэн.

Тэгвэл найз бүсгүйдээ хүч хэрэглэсэн гэх Сексцагаанбогд буюу Бадралын Гантулга гэж хэн бэ. Тэрбээр 29 настай, философич, англи хэлний орчуулагч мэргэжилтэй. "Шинэ монгол" технологийн коллежийн философийн цагийн багш, “Ub comedy” комеди клубийн комедиан байсан. Мөн компани, залуусын уулзалтад уригдаж лектор хийдэг тэрбээр сонгуулийн өмнө “Монголдоо” нэвтрүүлгийн хөтлөгчөөр ажилласан.

Сексцагаанбогд нэрийнхээ талаар “Монгол ахуй соёлыг агуулсан Сэгс цагаан богд найраглалтай дөхмөөр нэрээ ингэж нэрлэсэн нь содон, хүмүүс цээжлэхэд амархан” гэж байжээ. 2020 онд “Labish” нэртэйгээр анхны дуугаа гаргаж байжээ. Тэрбээр найз охин Н.Уринтайгаа хамтран  “bnusnu” влогийг хийж байсан.

Түүний анхны ажил нь сонгуулийн сурталчилгаа тараах болон хөлсний бичээч буюу троллын ажил байсан талаар нэгэн ярилцлагадаа дурддаг.