"Ашигт малтмалын лиценз"-тэй холбоотой нотлох баримтыг шинжлэн судлах сонсгол үргэлжилж байна. Энэ үеэр Түр хорооны дарга Ц.Цэрэнпунцаг гэрчээр оролцож байна.  Энэ үеэр Хянан шалгах Түр хорооны гишүүд "Хургатай Хайрхан" ХХК-ийн эцсийн өмчлөгч Ц.Цэрэнпунцангаас асуулт асуулаа.

    СОНСГОЛ ДАРГАЛАГЧ Б.ЭНХ-АМГАЛАН:  "Хургатай Хайрхан" ХХК тусгай зөвшөөрөл хэдэн онд, хэрхэн авсан бэ. Та хэзээнээс энэ компани болон тусгай зөвшөөрлийг эзэмшиж байгаа вэ. Нотлох баримтаас харахад ашиглалтын тусгай зөвшөөрлийг 2012 оны наймдугаар сарын 10-нд авснаас хойш ямар нэгэн ашиглалтын үйл ажиллагаа явуулсан уу.

      "ХУРГАТАЙ ХАЙРХАН" ХХК-ИЙН ЭЦСИЙН ӨМЧЛӨГЧ Ц.ЦЭРЭНПУНЦАГ: "Аспайр майнинг" компани  2007 онд хөрөнгийн бирж дээр гарсан энэхүү компанийн хөрөнгө оруулагчаар анх 2018 оноос эхэлж, 2019 оны аравдугаар сар хүртэл хоёр жилийн дотор хувьцааг нь авсан байна. Өнөөдрийн байдлаар 52.5 хувийг нь миний бие эзэмшиж байна. Лицензиийг "Хургатай Хайрхан" ХХк эзэмшдэг. Би лиценз зөвшөөрөл авахад нь байгаагүй. Энэ бол 2012 онд ашиглалтынхаа лицензийг авсан гэж ойлгосон. 2008 онд хайгуулын лицензээ аваад 18 тэрбум төгрөгийн хөрөнгө оруулалтын хайгуул хийсэн. 2018 оноос анхны нэг ширхэг хувьцаагаа авч ирсэн. Өнөөдрийн байдлаар 3000 гаруй хувьцаа эзэмшигчтэй. "Аспайр майнинг" ХХК-ийн хувьцааг авч эхлэхэд зуун хувьд гадаадын хөрөнгө оруулагч байсан. Тэгээд хувьцаа авдаг журмаар хөрөнгийн биржээс хоёр жилийн хугацаанд авч өнөөдөр Монголын эзэмшигчтэй компани болгосон. Нэг талдаа эх оронч сэтгэл гаргаж энэхүү компанийн хувьцааг авсан.