ОХУ, Монголын хилийн орчимд 6.7 баллын хүчтэй газар хөдлөлт боллоо. Тодруулбал, өнөө өглөө 05:33 цагт Хөвсгөл аймагт буюу Оросын хойд хилээс 54 км, Эрхүү хотоос 288 км зайд уг газар хөдлөлт төвлөрчээ. Газар хөдлөлтийн төв нь 10 км гүн ба ихэнх хэсэг нь Хөвсгөл нууранд төвлөрчээ. Энэ хэсэгт хүн ам багатай ч Хатгал, Ханх зэрэг суманд 5000 гаруй хүн амьдардаг билээ. Одоогоор Монгол, Оросын алинд ч хүн бэртсэн, байшин нурсан тохиолдол бүртгэгдээгүй ба Эрхүү хотын онцгой байдлын газар хүмүүст хохирол учирсан эсэхийг шалгаж байгаа аж. ОХУ-д нэг өдөрт ес, сарын хугацаанд 21 газар хөдлөлт бүртгэгдсэн ч хамгийн их баллтай газар хөдлөлт нь өнөөдөр тохиолоо.