Архангай аймгийн Хашаат сумын Жаргалант багийн Дэлийн-Өвөр гэдэг газар наймдугаар сарын 13-ны өдрийн 22:55 цагийн орчим хүчтэй аадар бороо орж, 27 м/с хүчтэй шороон шуурга шуурсан.

          Улмаар ЕБС-ийн хичээлийн байр, спорт заалны дээвэр нурж, дээврийн төмөр салхинд хийсэн, хоёр гэр нурж дахин ашиглах боломжгүй болжээ. Тус сумын Засаг даргын Тамгын газрын даргаар ахлуулсан иргэд 12:15 цагт очиж нөхцөл байдалтай танилцаж хохирлыг тогтоож ажилласан байна.

       Мөн шуурганы улмаас Архангай аймгийн цахилгааны таван тулгуур шон нурж, Архангай, Баянхонгор, Өвөрхангай аймгийн нийт 54 суманд цахилгаан тасарчээ.