Гадаадын иргэн, харьяатын газарт иргэн, албан хаагчаас ирсэн өргөдөл, гомдлыг “Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хууль”-д заасан шаардлагын дагуу хүлээн авч, шийдвэрлэж байна.

      Өнгөрөгч сард буюу 2023 оны зургадугаар сарын 13-наас долдугаар сарын 31 хүртэл хугацаанд байгууллагын төвд 113 (иргэнээс 85 өргөдөл, 10 гомдол, албан хаагчдаас 18 өргөдөл), орон нутаг дахь нэгжүүдэд 39 (иргэнээс 31 өргөдөл, албан хаагчдаас найман өргөдөл), нийт 152 өргөдлийг хүлээн авч, 115 өргөдлийг шийдвэрлэсэн. Мөн өмнөх сард хүлээн авсан 28 өргөдлийг шийдвэрлэж, энэ сард нийт 143 өргөдлийг (өргөдөл 136, гомдол долоо) шийдвэрлэлээ.  Нийт өргөдөл, гомдлын шийдвэрлэлт 94.3 хувьтай, 37 өргөдөл хяналтад буюу шийдвэрлэх шатанд байна.

     Долдугаар сард Засгийн газрын иргэд олон нийттэй харилцах 11-11 төвөөс манай байгууллагад нийт найман өргөдөл (найман гомдол) шилжүүлснийг хүлээн авч, зургаа өргөдлийг шийдвэрлэж, хоёр өргөдлийг шийдвэрлэхээр ажиллаж байна.