2023-2024 оны хичээлийн жилд Улаанбаатар хотод гурван ээлжид шилжих эрсдэлтэй 47 ерөнхий боловсролын сургууль байна. Энэ сургуулиудын асуудлыг шийдвэрлэх зорилгоор БШУЯ-наас НИТХ-д мэдээлэл хийж, НЗДТГ-тай хамтран ажиллахаар болсон.

    Боловсрол шинжлэх ухааны сайдаар ахлуулсан ажлын хэсэг мягмар гарагаас эхлэн дүүргүүдэд ажиллаж байна. Эхнийх нь бол Баянзүрх дүүрэг. Тус дүүргийн хэмжээнд 2023-2024 оны хичээлийн жилд гурван ээлжид шилжих эрсдэлтэй 16 ерөнхий боловсролын сургуулийн 8912 суралцагч байна.

Гурван ээлжийг шийдвэрлэхийн тулд:

• Гүйцэтгэлтэй өндөртэй сургуулийн шинэ барилга, өргөтгөлийн ажлыг эрчимжүүлж  ондоо багтаан хүлээн авах,
• Хичээлийн үндсэн байрнаас гадна нэмэлтээр түрээсийн байранд хичээллүүлэх,
• Тухайн сургуулийн дотоод нөөц бололцоог ашиглан анги, танхим байгуулах зэргээр шийдвэрлэх гэж байна. Дээрх гурван арга хэмжээний үр дүнд 16 сургуулийн 6800 орчим хүүхдийн асуудлыг шийдвэрлэх боломж бүрдэнэ.
• Үүнээс гадна Баянзүрх дүүргийн 26 дугаар хорооны /хуучнаар/ нутаг дэвсгэрт баригдаж байгаа Монгол Тэмүүлэл, 157 дугаар сургуулийн барилгыг есөн сарын нэг гэхэд ашиглалтад оруулахаар төлөвлөж байна. 157 дугаар сургуулийн тухайд төрөлжсөн ахлах сургууль хэлбэрээр үйл ажиллагаа явуулах бөгөөд 960 хүүхдийн суудалтай.
• Баянзүрх дүүргийн 84 дүгээр сургуулийн тухайд гурван давхар хичээлийн байртай байсныг давхарлаж дөрвөн болгосон. Улсын комисс хүлээн авахад бэлэн болжээ. Нийслэлийн хэмжээнд зургаан мянгаас дээш хүүхэдтэй хоёр сургууль байдгийн нэг нь юм.
• Хүртээмжийг нэмэгдүүлэх хүрээнд шинээр ашиглалтад орох  болон түрээсийн байруудыг ширээ сандалаар хангах, засвар үйлчилгээ хийх, багш ажилтныг хүрэлцээг сайжруулах гээд олон асуудлыг давхар шийдвэрлэхээр ажиллаж байна