Эрүүл мэндийн яамны мэдээллийн үеэр сэтгүүлчдийн сонирхсон асуултад хариуллаа.

-ХӨСҮТ-д тусгай ажиллагааны 10-15 баг байгаа гэсэн. Эмч, сувилагчдаас халдвар илэрсэнтэй холбоотой хэчнээн багийг татан буулгасан бэ. Нөхцөл байдал хүндэрвэл хүний нөөцийн асуудлыг яаж шийдэх вэ?

-Шуурхай арга хэмжээний 10 багийн зургаан баг ажиллаж байсан. Үүнээс зургаан халдвар судлаач эмч, ариутгагч, шинжилгээ авдаг лаборант нар тусгаарлагдсан. Бид нөөцөөсөө талбарын тархвар судлаачид хувийн байгууллагад ажиллаж байсан эмч нараас ажиллуулж байгаа. Одоо долоон баг бий. Шуурхай хариу авах арга хэмжээний ард 30 гаруй мэргэжилтэн байгаа. Хүний нөөц хангалттай бий.

-Иргэдийн шинжилгээний хариу гарахгүй байна гэж байна. Ямар учиртай вэ?

-Иргэдийн шинжилгээ 24 цагийн дотор гарч байгаа. 199.mn сайт ажиллахгүй байсантай холбоотой хүндрэл гарч байсан. Өчигдрөөс сайт хэвийн ажиллаж эхэлсэн учраас чирэгдэл бага гарах байх.

-Шинжилгээ нь цаг хугацаанд гарахгүй, дээр нь шинжилгээ өгөөгүй иргэдэд шинжилгээний хариу гарлаа гэсэн хариу ирсэн байна. Яагаад ийм асуудал гарсан юм бэ?

-199.мн сайт гацсантай холбоотой иргэдэд буруу мэдээлэл очсон. Цаашид 72 цагийн дотор гарсан шинжилгээний хариу хүчинтэй.