Эрүүл мэндийн яамнаас ээлжит мэдээллээ хийж байна. 2020 оны арванхоёрдугаар сарын 6-нд нийт 23343 хүнд PCR шинжилгээ хийхэд 38 тохиолдол шинээр батлагджээ. Үүнээс Улаанбаатар хотод 32 тохиодол байгаагаас гурав нь цэргийн төв эмнэлэгт хэвтэн эмчлүүлж байгаа аж. Батлагдсан тохиолдолын 29 нь ойрын хавьтлаар тусгаарлагдсан болон тэдний гэр бүлийн хүмүүсээс илэрсэн. Сэлэнгэ аймагт хоёр тохиолдол нэмэгдэж нийт өвчлөл 203 болсон байна.

Улаанбаатар хотод нийт 128 тохиолдол байна.

Мөн Замын-Үүд суманд гурван тохиолдол шинээр бүртгэгдэж 31 тохиолдол болжээ. Орхон аймагт нэг тохиолдол бүтгэгдсэн бол Дархан-Уул, Говьсүмбэр, Архангай аймагт шинээр өвчлөл бүртгэгдээгүй гэв. Монгол Улсын хэмжээнд батлагдсан тохиолдол 887 болж, 384 хүн эдгэрээд байна. Үүнээс эмчлэгдэж байгаа 494 хүн байгаагаас хөнгөн 416, хүндэвтэр, 71, хүнд тав, маш хүнд хоёр хүн байгаа юм.