Баян-Өлгий аймагт хийлдэг тоглоом салхинд хийссэний улмаас 10 гаруй хүүхэд хүнд гэмтэж, нэг хүүхэд эндсэн харамсалтай хэрэг гарсан. Үүнтэй холбоотойгоор бид тус аймгийн Нэгдсэн эмнэлгийн дарга Х.Малчукаас хүүхдүүдийн биеийн байдлыг тодруулахад “Хоёр хүүхэд тархиндаа хүнд бэртэл авсан учир эмнэлэгт эмчлүүлж байна. Нэгийнх нь биеийн байдал хүнд байна. Бусад хүүхэд нь гар, хөлийн хөнгөн бэртэл авсан учир эмнэлгээс гарсан байгаа” гэв.