Дорнод аймгийн Баян-Уул сумын Харчулуут багийн Номгон гэх газарт байшин шатаж байна гэсэн дуудлагыг тавдугаар сарын 30-ны өдрийн 00:16 цагт тус аймгийн Онцгой байдлын газар хүлээн авчээ. Дуудлагын дагуу аймгийн Онцгой байдлын газрын Баян-Уул сум дахь Гал түймэр унтраах, аврах 53 дугаар ангийн алба хаагчдыг очиход малчин Э-ийн 5х7 метрийн хэмжээтэй хоёр давхар байшин шатаж байсныг унтраасан байна. Уг гал түймэрт малчин 64 настай Э болон түүний ач охин 17 настай, эмэгтэй Б нар өртөж нас барсан байсан тул цогцсыг тус сум дахь Цагдаагийн тасагт шилжүүлэн өгчээ.