Авлигатай тэмцэх газрын Мөрдөн шалгах хэлтсийн орлогч М.Даваатогтох боловсролын зээлийн сантай холбоотойгоор мэдээлэл өглөө. Тэрбээр “Боловсролын сангийн зээлд Авлигатай тэмцэх газарт 2022 онд хэрэг бүртгэлийн хэрэг нээгээд шалгаж байгаа. Мөрдөх алба Эрүүгийн хэрэг хянан шийдвэрлэх тухай хуулиараа нууц тээгч байдаг. Энэ үүднээс өөрийн ажлыг өдөр бүр нээлттэйгээр зарлах боломжгүй ч бид шалгаад явж байгаа. Хэвлэл мэдээллийн салбарынхан бидэнд дэмжлэг үзүүлж байгааг онцлон хэлмээр байна. Хохирон нөхөн төлүүлэх буюу зөрчигдсөн хэсгийг сэргээх ажиллааг бид эхэнд хийнэ” гэв.