Дархан-Уул аймгийн онцгой комиссоос  мэдээлэл хийлээ. Тус аймагт очсон Орхоны нэг иргэнээс коронавирусийн халдвар илэрч, тус аймагт батлагдсан тохиолдол 45 боллоо.

Дархан-Уул аймгийн Онцгой байдлын газрын дарга хурандаа С.Пүрэвсамдан "Орхон аймгаас Дархан-Уул аймагт ирсэн нэг иргэний пи си ар шинжилгээ эерэг гарсан. Ингэснээр батлагдсан тохиолдол нийт 45 болоод байна. Энэ иргэн гамшгаас хамгаалах бүх нийтийн бэлэн байдлын зэрэг зарлахаас өмнө буюу арваннэгдүгээр сарын 10-нд ирсэн. Одоогоор Халдвартын тасагт тусгаарлаад байна. Үүний дараа тээвэрлэх ажлыг хийнэ. Одоогоор ойрын хавьтлын 24 хүнийг илрүүлж, тусгаарлаад байна. Мөн маршрутыг нь тодорхойлж ,голомтын ариутгал халдваргүйжүүлэлт хийж байна. Тархвар судлалыг баг уг иргэнийг хаанаас халдвар авсныг тогтоохоор ажиллаж байна” гэв.