“Автобус нэг” ОНӨААТҮГ-ийн хашаанд өглөөний 07:00 цагийн үед зам тээврийн осол гарсан байна. Энэ талаар Тээврийн цагдаагийн албаны Урьдчилан сэргийлэх хэлтсийн дарга, цагдаагийн хошууч Э.Энхболдоос тодруулахад “Автобус нэг” баазын жолооч замын хөдөлгөөнд оролцохдоо тухайн автобусны доор засвар, үйлчилгээ хийж байсан ажилтныг  дайрч, амь насыг нь хохироосон. Энэ хэргийг цагдаагийн албан хаагчид болон Тээврийн прокурорынхон шалгаж байгаа. Шалгалтын үйл ажиллагаа дуусаагүй байгаа тул дэлгэрэнгүй мэдээлэл өгөх боломжгүй байна”гэлээ.