Улсын Дээд шүүх Гамшгаас хамгаалах өндөржүүлсэн болон бүх нийтийн бэлэн байдлын үед ажиллах журмаа саяхан батлан гаргаад байгаа билээ. Журмын дагуу шүүх хуралдаан хийх бэлтгэл ажлыг хийж, ирэх долоо хоногоос шүүх хурлуудаа товлон зарласан байна. Тодруулбал, Дээд шүүхийн Захиргааны хэргийн танхим арванхоёрдугаар сарын 7-нд хуралдаж, 11 хэргийг хянан хэлэлцэх тов гаргажээ.  Мөн арванхоёрдугаар сарын 9-нд Иргэний хэргийн танхимын шүүх хуралдаанаар 12 хэргийг хэлэлцэх аж. Эрүүгийн хэргийн танхимын шүүх хуралдаан арванхоёрдугаар сарын 11-ний баасан гаригт болох тов гарсан байна. Өндөржүүлсэн бэлэн байдлын үед шүүгдэгч, өмгөөлөгчид хяналтын шатны шүүх хуралдаанд цахимаар оролцох гэнэ.