Архангай аймгийн Батцэнгэл суманд дэлгүүрийн хүнсний бараа тээвэрлэж очсон иргэнээс коронавирусийн халдвар илэрсэн билээ. Ингэхдээ хамт явсан таван настай хүүд нь халдсан болохыг тогтоосон. Тэдний ойрын болон дам хавьтлуудын байсан Дайрбор, Цац, Улаанчулуут багт өчигдөр Архангай аймгийн Зоонозын өвчин судлалын төвөөс халдваргүйжүүлэлт хийсэн байна. Хувийн байшин, гэр, нүхэн жорлон, ачааны машин, суудлын машин зэрэг нийт 62 объектын 2437 м² талбайд голомтын эцсийн халдваргүйжүүлэлт хийжээ.