Монгол Улсын тамирчин Б.Абылайхан саяхан AVC-ээс зохион байгуулсан дэлхийн аварга шалгаруулах тэмцээнд тэргүүн байр эзэлжээ. Энэ удаагийн тэмцээнийг  АНУ-аас зохион байгуулсан бөгөөд тэмцээнд 50 орны 64 тамирчин оролцжээ. Коронавирус цар тахлын улмаас тухайн тэмцээн онлайнаар явагджээ. Ингэхдээ тусгай Страва програмаар тэмцээнийг хянасан аж. Өөрөөр хэлбэл оролцогч бүр GPS-ашиглаад гүйсэн байна. Б.Абылайхан таван км замыг 16 минут 5 секундад туулж, түрүүлжээ.

Залуу марафонч хөнгөн атлетикийг сонгосон тухай ярихдаа “Хөнгөн атлетикийн дэлхийн аварга болох нь миний багаасаа мөрөөдсөн мөрөөдөл. Би мөрөөдөлдөө хүрэхийн тулд таван жилийн турш бэлтгэл хийсэн" гэжээ. Б.Аблайхан 20 настай бөгөөд 64, 50, 42, 21 киллометрт гүйдэг тамирчин юм.