Нийслэлийн 9 дүүргийн 140 хороонд хүнсний худалдаа, хүнсний үйлдвэр эрхлэгч 6435 аж ахуйн нэгж, иргэн үйл ажиллагаа явуулж байна. Мэргэжлийн хяналтын байгууллагаас арваннэгдүгээр сарын15-23-ны өдрүүдэд 4069 объектыг хяналт шалгалтанд хамруулсан байна. Үүнээс хүнсний худалдааны газар 3954, хүнсний үйлдвэр цех 115 байна. Шалгалтаар 3641 зөрчил илрүүлж 76.1 хувийг арилгууллаа.

Шалгалтаар напелион, тараг, иогурт, өндөг, хиам зэрэг хадгалалтын горим зөрчсөн, хадгалах хугацаа дууссан түргэн гэмтэх хүнсний бүтээгдэхүүн худалдаалах зөрчил илэрч байна. Иймд 239 нэр төрлийн 1069 ширхэг, 13кг түргэн гэмтэх хүнсний бүтээгдэхүүнийг дотоод хяналтаар устгууллаа. Шалгалтын явцад архи, согтууруулах ундаа худалдаалсан зөрчил илрээгүй байна.