Сэлэнгэ аймгийн Онцгой комиссийн цаг үеийн асуудлаар мэдээлэл хийлээ. Энэ үеэр Онцгой комиссийн ажилтан Ш.Оргил "Сэлэнгэ аймагт нийт 98 тохиолдол бүртгэгдсэн. Тандалт, шинжилгээ үргэлжилж байна. Нэг зүйлийг онцгойлон хэлэхэд, Сүхбаатар сумын иргэн А нь дөрөв хоногийн өмнө гэр бүлийн гишүүдийн хамт шинжилгээ өгсөн. Энэ үед гэр бүлийн гишүүдийн шинжилгээний хариу сөрөг гарсан. Харин А -гийн шинжилгээний хариу эерэг гарч ХӨСҮТ-д ирч эмчлүүлж байгаа. Гэтэл гэр бүлийн гурван гишүүн иргэн А-гаас гурав хоногийн дараа дахин шинжилгээ өгч эерэг гарсан. Нууц үе 5-7 хоног байгаа учир үүн дээр иргэд анхааралтай хандаарай. Ташрамд дурдахад, тус аймагт байгаа самарчдыг шинжилгээ авч гэрт нь буцаах зохион байгуулалтын ажил хийж эхлээд байна" гэлээ.