Нийслэлийн Баянзүрх дүүргийн 7505 иргэнийг коронавирусийн халдвар илрүүлэх шинжилгээнд хамруулжээ. Тодруулбал, 6505 иргэнийг түргэвчилсэн оношлуураар шинжилсэн бол 1005-ийг нь PCR шинжилгээнд хамруулахад 12 хүн коронавирусийн халдвартай болох нь тогтоогджээ. Энэ талаар Баянзүрх дүүргийн Засаг дарга Н.Баярмөнх “Коронавирусийн халдвар илрүүлэх шинжилгээг Баянзүрх дүүрэгт 15 цэг дээр авч байгаа. Ойрын хугацаанд дөрөв, аравдугаар хорооны 25 мянга орчим иргэнийг шинжилгээнд хамруулах шаардлагатай байна. Иймд тухайн хорооны оршин суугчид 19001063 дугаараас зөвлөгөө, шинжилгээний талаарх мэдээлэл авна уу” гэлээ.

Эх сурвалж: Баянзүрх дүүргийн Онцгой коммис