Хан-Уул дүүргийн 18 дугаар хороонд баригдаж буй барилгын кран унаж, хоёр хүн амиа алдсан харамсалтай хэрэг гарсан. Тодруулбал, “Хүннү-2222” хорооллын баруун талд барьж байсан барилгын кран 13:00 цагийн үед унаж, 36 настай эрэгтэй Х, 20 настай эрэгтэй Б нар нас барсан гэдгийг цагдаагийн байгууллагаас мэдээлсэн. Тэгвэл тус барилгыг “Номин холдинг” ХХК-ийн захиалгаар барьсан гэх мэдээлэл бий. Энэ талаар “Номин холдинг” ХХК-ийн Хэвлэл мэдээлэл, олон нийттэй харилцах хэлтсийн мэргэжилтэн А.Хандсүрэнгээс тодрууллаа.   

      Тэрбээр “Осол гарсан барилгыг манай компанитай хамтран ажиллаж буй гүйцэтгэх компани барьж байсан нь үнэн. Үүнээс өөр дэлгэрэнгүй мэдээлэл өгөх боломжгүй байна. Ослын газар шалгалтын ажиллагаа үргэлжилж, шүүх шинжилгээний дүгнэлт гарсны дараа нэгдсэн байдлаар мэдээлэл өгнө” гэлээ.