АТГ-ын мөрдөгчид өнгөрсөн нэгдүгээр сард “УБТЗ” ХНН-ийн Дотоод аудит, хяналт шалгалтын албан дарга Ж.Пунцагийг 48 цагийн хугацаатай баривчилж, яллагдагчаар татсан билээ. Тодруулбал, Ж.Пунцагийг албан тушаал, эрх мэдлээ урвуулан ашиглаж, их хэмжээний хахууль авсан байж болзошгүй, үндэслэлгүйгээр хөрөнгөжсөн хэмээн өнгөрсөн саатуулж, сулласан аж. Харин хэрэг хэрхэн шийдэгдэж байгаа талаар АТГ-аас тодруулахад “Ж.Пунцагийн таслан сэргийлэх арга хэмжээг өөрчилж, гадуур шалгаж байгаа” гэсэн юм.

    Дашрамд дурдахад, Ж.Пунцаг нь 2016 оны УИХ-ын сонгуулийн дараа “УБТЗ” ХНН-ийн Дотоод аудит, хяналт шалгалтын албан даргаар томилогдсон. Гэвч энэ албан тушаалд томилогдохоо АТГ-аас ашиг сонирхлын зөрчилтэй эсэх тодорхойлолт, ЦЕГ-аас ял шийтгэлтэй эсэх тодорхойлолт авалгүй томилогдсон гэгдэж байсан. Улмаар 2019 онд Тагнуулын ерөнхий газраас Ж.Пунцагийг баривчлан шалгаж байсан билээ.