Монгол Улсын Ерөнхийлөгчийн зөвлөх, “Утааны эсрэг ээж аавууд” ТББ-ын тэрүүн Б.Пүрэвхүү агаарын бохирдол, Улаанбаатар хотын утааны асуудлыг яагаад ярихаа больсноо тайлбарлажээ. Уг нь Б.Пүрэвхүү утааны асуудлаар өдөр бүр шахам хэвлэлийн хурал хийж, утаатай дорвитой тэмцэхгүй байгааг шүүмжилдэг байсан. Гэвч Ерөнхийлөгчийн зөвлөх болмогцоо утааг мартсан гэж олон нийт түүнийг шүүмжилдэг. Тэгвэл энэ шүүмжлэлд тэр ингэж хариулжээ. 

           Тэрбээр “Агаарын бохирдлыг бууруулах үндэсний хорооны гишүүн байсныхаа хувьд тус хорооны хуралд оролцож, хэлэх үгээ хэлсэн. Агаарын бохирдлыг бууруулахад хамтын харилцаа, уялдаа холбоотой ажлууд чухал гэдгийг хэлсэн. Ерөнхийлөгчийн зөвлөх болсны хувьд дахиж утааны асуудалд буюу Засгийн газар, Улаанбаатар хотын Захиргааны үйл ажиллагаанд оролцох эрх үүрэг надад байхгүй.

           2017 оноос агаарын бохирдлыг бууруулах хэлэлцүүлгүүд эхэлж, 2018 оноос гол гүйцэтгэгч байгууллагын тогтолцоо бүрдсэн. Оролцогч байгууллагууд өнгөрсөн гурван жилийн хугацаанд маш сайн чадавхжиж чадсан. Өнгөрсөн хоёр жилд агаарын бохирдол 47 хувь хүртэл буурсан. Энэ үйл ажиллагааг хадгалах боломж байгаа” гэсэн юм.