“Жем интернэшнл” группийн нэрэмжит, "Монгол Улсын харцага цолд хүндэтгэл үзүүлэх" барилдаан өнөөдөр 12:00 цагт болохоор товлогдсон. Гэсэн ч тус барилдаанд допингийн шинжилгээнд бүдэрч, барилдах эрхээ хасуулсан даян аварга Н.Батсуурь, улсын арслан Р.Пүрэвдагва нар зодоглохоор ирсэнд Монгол Улсын харцага О.Хангай тэргүүтэй бөхчүүд эсэргүүцэл илэрхийлсэн. Үүний улмаас "Монгол Улсын харцага цолд хүндэтгэл үзүүлэх" улсын болон аймгийн алдар цолтой 256 бөхийн барилдааныг цуцалсныг тус барилдааны зохион байгуулах комиссоос мэдэгдлээ.