Эрүүл мэндийн яамнаас коронавируст халдварын талаарх мэдээлэл өглөө. Энэ үеэр ХӨСҮТ-ийн захирал Ц.Билэгтсайхан “Омикрон хувилбарын тандалт хийж буй шинжилгээ нэгдүгээрт, омикрон мөн эсэх, хоёрдугаарт омикрон хэдэн хувь тархаж байна вэ гэдгийг тодорхой болгож байгаа. Хувилбарын тандалтын шинжилгээ хийхгүй бол дээрх хоёр асуултын хариуг олж чадахгүй. Тэгэхээр омикрон хувилбарын тархалтын шинжилгээг эерэг илэрч буй шинжилгээний 2-5 хувьд түүвэрлэж хийдэг. Тандалт, стратегийн зорилготой юм. Томууны цар тахал эрсдэлийн үнэлгээгээр идэвхжилтийн түвшинд байна. Энэ нь 110000 үзлэг тутамд 20-с дээш тохиолдол илэрч байвал идэвхжилтийн түвшин гэж тодорхойлдог. 10 мянган хүн ам тутамд томуу, томуу төст өвчний тархалт Улаанбаатар хотод 12.2, орон нутагт 19.3 хувь байна. Тэгэхээр орон нутагт томуу, томуу төст өвчний халдвар их байна. Тус халдварт өвчин 0-12 насны хүүхдүүдэд халдварладаг” гэлээ.