Үндсэн хуулийн 30 жилийн ойн өдрийг тохиолдуулан Монгол Улсын Ерөнхийлөгч У.Хүрэлсүх төрийн дээд одон, медаль гардууллаа. Энэ үеэр Ерөнхийлөгчийн Тамгын газрын дарга Ч.Дашдэмбэрэл Монгол Улсын Хөдөлмөрийн баатар цол хүртлээ.

  Тэрбээр “Надад өнөөдөр төрийн дээд шагнал хүртээсэн төрдөө их баярлаж байна. Мөн би олон сайхан хүмүүстэй ажиллаж явсан, түүнийхээ үрээр энэ том шагналыг хүртлээ. Тиймээс хамтран зүтгэж явсан бүх хүмүүстэй юуны өмнө баярлаж байгаагаа илэрхийлье. Мөн намайг өдий хүртэл авч яваа үр хүүхдэдээ, өөрийнхөө ахан дүүсдээ баярлаж байгаагаа хэлмээр байна” гэлээ.