“Жаст групп” ХХК-ийн захирал асан Ш.Батхүү болон нэр бүхий зургаан шүүгдэгчид холбогдох шүүх хурал өнөөдөр болох байсан. Тэгвэл шүүгдэгч Ш.Батхүүгийн бие өвдсөн тухай баримт бичиг ирүүлсэнтэй холбоотойгоор шүүх хуралдааныг хойшлуулжээ. Улмаар Ш.Батхүү нарт холбогдох шүүх хурлыг хоёрдугаар сарын 15-ны өдрийн 10:00 цаг хүртэл хойшлуулсан байна.

Ш.Батхүү нарт холбогдох шүүх хуралдааныг өнгөрсөн 2021 оны сүүлийн хагаст хоёр удаа хойшлуулсан.

• 2021 оны арваннэгдүгээр сарын 22-ны өдөр шүүгдэгч Г.Алтан, Э.Сүрэн нарын өмгөөлөгч Ц.Дэлгэрням, Д.Наранцэцэг нар нь Баянгол дүүргийн Эрүүгийн хэргийн анхан шатны шүүхэд Р.Баатархүү нарт холбогдох 30 шүүгдэгчтэй шүүх хуралдаанд оролцож байгаа бөгөөд уг хуралдаан үргэлжилж байгаа болон иргэдийн төлөөлөгч хүндэтгэн үзэх шалтгааны улмаас ирээгүй тул шүүх хуралдааныг хойшлуулсан,
• 2021 оны арванхоёрдугаар сарын 20-нд шүүгдэгч Г.Алтан  биеийн байдлын улмаас шүүх хуралдаанд хүрэлцэн ирээгүй, мөн түүний өмгөөлөгч Ц.Дэлгэрнямын шүүх хуралдаан давхардсан учир шүүх хуралдааныг хойшлуулаад байв.

Эх сурвалж: Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн тамгын газар