Улсын төсвийн 2.1 тэрбум төгрөгийн санхүүжилтээр баригдсан 220 хүүхдийн сургуулийн байрны нээлт, улсын төсвийн 1.6 тэрбум төгрөгийн санхүүжилтээр баригдсан 100 ортой дотуур байрын барилгыг нээлтэд УИХ-ын гишүүн Ц.Даваасүрэн оролцсон байна.  Тэрбээр “Гурван аваргын өлгий нутгаас олон сайхан аварга алдартан төрнө гэдэгт итгэлтэй байна” гэдгийг онцолсон байна. Цагаан-Үүр сумын сургууль 1935 онд анх байгуулагдсан бөгөөд энэ жил 86 дахь жилдээ үйл ажиллагаагаа явуулж байна. Тус сургуулийг  2005 онд МУ-ын Хөдөлмөрийн баатар, Гавьяат жүжигчин, Дархан аварга Дарийн Дамдины нэрэмжит болгосон ажээ.