Налайх дүүргийн нэг болон наймдугаар хороонд өчигдөр 16:00-17:00 цагийн хооронд хүчтэй аадар бороо, мөндөр оржээ. Хүчтэй борооны улмаас тус дүүргийн нэг, наймдугаар хороо,  Баянзүрхийн 15, 16, 17 дугаар гудамж болон Уурхайчдын нэг , хоёрдугаарI гудамж, дөрөвдүгээр хорооны  Их аманд байрлах 1-5, 10 ,11 дүгээр гудамж, хоёрдугаар  хороо 34,36 дугаар байрны зоорин хэсэг, наймдугаар хороо Нарлагийн 12-16 ,18 дугаар гудамж, гуравдугаар хорооны “ЦММОБ” хүнсний дэлгүүр усанд автаж, үерлэсэн байна.

           Тус дүүргийн Онцгой байдлын албан хаагчид 18 хүний амийг аварч,нэг авто машиныг аюулгүй газарт гаргажээ.  

          Хүчтэй аадар борооны улмаас  нэгдүгээр хороонд гурван айлын гэр нурж, наймдугаар хороонд 20 айлын хашаа нурсан аж. Мөн дүүргийн наймдугаар хорооны Нарлагийн нэгдүгээр гудамжинд байрлах жижиг станц усаар дүүрсэн байсныг тогийг нь салгаж, холбогдох байгууллагын ажилтнууд станцыг хэвийн үйл  ажиллагаанд оруулахаар ажиллаж байна.

М.Жавхлан