Хөвсгөл аймгийн Баянзүрх сумын хоёрдугаар багийн Ламтайга гэх газар 00:41 цагт 3.8 магнитудын хүчтэй газар хөдөлжээ. Тус аймгийн Онцгой байдлын газраар дамжуулан тус сумын Засаг даргаас тодруулахад иргэдэд чичирхийлэл мэдрэгдээгүй бөгөөд хохирол учраагүй тухай мэдээлсэн байна. Мөн Дундговь аймгийн Дэрэн сумын Бумбат багийн Шар ишиг гэх газар 03:46 цагт 3.5 магнитудын хүчтэй газар хөдөлсөн байна. Тус аймгийн Онцгой байдлын газраар дамжуулан тус сумын Засаг даргын тамгын газрын дарга, Бумбат багийн дарга нараас мэдээллийн дагуу тодруулахад газар хөдлөлтийн улмаас учирсан хохирол байхгүй хэмээн мэдээлсэн байна.