Увс аймгийн Түргэн сумын Баянхайрхан нэгдүгээр багийн Хамрын амны-Адаг гэх газар өчигдөр 12:00 цагийн үед долоон настай хүү гэр бүлийн хамт аялж байгаад сураггүй болжээ.

      Энэ талаар сумын Засаг даргын тамгын газрын даргаас тодруулахад “өчигдөр 20:00 цагаас хүүг эрэн хайх ажиллагааг зохион байгуулж, 22:28 цагт тус сумын Баянхайрхан I багийн Хэрцийн-Эхэн гэх газраас эсэн мэнд олж, аавд нь хүлээлгэн өгсөн. Хүүг Онцгой байдлын алба хаагчид болон орон нутгийн 50 орчим иргэн хайсан” гэлээ.