Монгол Улсын Засгийн газрын Хэрэг эрхлэх газарт Швейцарын хөгжлийн агентлагийн санхүүжилтээр хэрэгжүүлэхээр болсон. Тэгвэл энэ хүрээнд “Нутгийн өөрөө удирдах байгууллагын чадавхыг бэхжүүлэх” төсөлд ХХААХҮЯ хамтран ажиллахаар болжээ.

    Уг төсөл нь орон нутгийн засаглалтай холбоотой шинээр баталсан хуулиудын хэрэгжилтийг хангах, бэлчээрийн хамгаалалт удирдлага, зүй зохистой ашиглалтыг сайжруулахад дэмжлэг үзүүлэх, иргэдийн Төлөөлөгчдийн Хурал, төлөөлөгчдийн чадавхийг  сайжруулах зорилготой юм.

      ХХААХҮ-ийн дэд сайд Г.Батсуурь, Засгийн газрын Хэрэг эрхлэх газрын Орон нутгийн удирдлага зохицуулалтын газрын дарга П.Зоригтбаатар болон яамны холбогдох албан хаагч, төслийн зохицуулагч нар уулзаж, малын тоо толгойн албан татварын хуулийн хэрэгжилтийг хангаж ажиллах, хуулийг сурталчлах, олон нийтэд хүргэх, Сумын ИТХ татварын хэмжээг тогтоож байгаад дэмжлэг үзүүлэх, тэдэнд сургалт зохион байгуулах, бэлчээрийн менежментийг сайжруулах орон нутгийн стратеги төлөвлөгөө боловсруулахад мэргэжил арга зүйн туслалцаа үзүүлэх талаар ярилцаж, харилцан санал солилцжээ.