ЭМЯ-наас коронавирусийн тархалтын талаар ээлжит мэдээлэл өглөө. Сүүлийн 24 цагт 1651 хүнээс халдвар илэрч, нийт бүртгэгдсэн тохиолдол 191.904 боллоо. Шинээр илэрсэн тохиолдлуудын 437 нь нийслэлд, 1,214 нь орон нутагт бүртгэгджээ. Коронавирус халдварын улмаас дөрвөн иргэн нас баржээ. Нийтдээ 896 хүн энэ өвчний улмаас нас барлаа. Өнөөдрийн байдлаар 1.723 иргэн эдгэрч, эмнэлгийн болон гэрийн ажиглалтаас гарчээ.

Коронавирусийн халдварын улмаас улсын хэмжээнд 10.517 иргэн эмнэлэгт найм  хөнгөн хэлбэрийн оноштой 9.772 хүн Өрхийн эмчийн хяналт дор гэрээр эмчлүүлж байна.