Хаана, хэн, хэзээ, ямар нөхцөлд үйлдвэрлэсэн нь тодорхойгүй чанар, стандартын шаардлага хангааүй амны хаалт, нэг удаагийн бээлий болон эмнэлгийн бараа бүтээгдэхүүнийг улсын хилээр нэвтрүүлсэн хууль бус үйлдлийг албаныхан таслан зогсоожээ.

  Тодруулбал, Замын-Үүд боомтод хууль бусаар нэвтэрсэн хаяг шошгоны стандарт хангаагүй, гарал үүсэл тодорхойгүй бараа бүтээгдэхүүнийг устгалд оруулжээ.  Энэ хүрээнд 738000 ширхэг нэг удаагийн амны хаалт, 30000 ширхэг үзлэгийн бээлий зэргийг устгалд оруулж, мөн улсын орлого болгосон байна. 

     Жишээлбэл, "Мера инженеринг" ХХК-ийн улсын хилээр нэвтрүүлсэн нэг удаагийн амны хаалт, бээлийнд нян судлалын шинжилгээ хийхэд ариун чанаргүй, стафилококк илэрчээ. Эрүүл ахуйн шаардлага хангаагүй тус бүтээгдэхүүнээс илэрсэн стафилококк нь хүний биед олон тооны халдварт өвчин үүсгэдэг бактери аж. Үүнээс үүдэлтэй аливаа өвчин хөнгөн хэлбэрээс эхэлдэг боловч үхэлд хүргэх аюултай халдварч өвчин тээх боломжтой гэнэ. 

Нян судлалын шинжилгээнд илэрсэн стафилококк