Орхон аймаг дахь цагдаагийн газарт энэ сарын 17-ны 10:09 цагт “Баян-Өндөр сумын .. тоот айлд зодуулсан байдалтай хүн нас барсан байна” гэх дуудлага иржээ. Дуудлагын дагуу цагдаагийн байгууллагаас хэргийн газарт очиж шалгалтын ажиллагааг явуулахад 50 настай, эрэгтэй Б нь гадны нөлөөтэй амь насаа алдсан байжээ.

Тус хэргийг 29 настай, эрэгтэй М үйлдсэн болохыг цагдаагийн байгууллагын алба хаагчид илрүүлжээ. Тодруулбал, сэжигтэн М нь хувийн таарамжгүй харьцааны улмаас хохирогчийн нүүрэн тус газарт нь хүнд гэмтэл учруулж иргэн Б-г хөнөөсөн байж болзошгүй гэх урьдчилсан дүгнэлт гарсан байна. Мөн тэднийг хорих ангид хамт ял эдэлж байсан нь тогтоогджээ.

 Уг этгээдэд цагдан хорих таслан сэргийлэх арга хэмжээ авч, хэргийг Орхон аймаг дахь цагдаагийн газар мөрдөн шалгах ажиллагааг үргэлжлүүлж байна.