Монгол Улсын Соёлын яамны дэмжлэгтэйгээр МУЭ-ээс “Түүхэн сэдэвт шилдэг уран бүтээл” үзэсгэлэнг цахимаар толилуулж байгаа билээ. Тэгвэл тус үзэсгэлэнгийн шилдэг бүтээлүүдийг Соёлын яамнаас тодруулсан байна. Үзэсгэлэн Урлагийн гавьяат зүтгэлтэн, зураач Д.Гунгаа, зураач Г.Дунбүрээ, Т.Бадамжунай нарын тэргүүтэй МУЭ-ийн ахмад уран бүтээлч, залуу уран бүтээлчдийн дүрслэх урлагийн бүх чиглэлийг хамарсан 60 орчим бүтээл дэлгэгдсэн юм.

       Уг үзэсгэлэн нь Ардын хувьсгалын 100 жилийн ойг тохиолдуулан түүхэн сэдэвт дүрслэх урлагийн бүтээлүүдийг шинээр төрүүлэх, шинэ залуу уран бүтээлчдийн түүхэн судалгааг өргөжүүлэх, нийгмийг соён гэгээрүүлэх үйл явцад дүрслэх урлагийн нөлөөллийг нэмэгдүүлэх, хүүхэд залуучуудад зориулсан цуврал уран бүтээл хийх зорилготой юм. Уншигч та бүхэнд “Түүхэн сэдэвт шилдэг уран бүтээл”-ийн үзэсгэлэнгийн шилдэг таван бүтээлийг танилцуулъя.

“Түүхэн сэдэвт шилдэг уран бүтээл” тэргүүн байр, уран бүтээлч М.Мөнхзулын “Анхны долоо” модон сийлбэр

“Түүхэн сэдэвт шилдэг уран бүтээл” хоёрдугаар байр, уран бүтээлч Д.Булгантуяагийн “Шинэ цагийн эхлэл” бүтээл

“Түүхэн сэдэвт шилдэг уран бүтээл” гуравдугаар байр, уран бүтээлч Б.Баярт-Одын “Тэнгэрийн одод” бүтээл

“Түүхэн сэдэвт шилдэг уран бүтээл” тусгай байр, уран бүтээлч П.Бат-Оршихын “Богд хааныг чөлөөлсөн нь” бүтээл