Говийн бүсийн боксын бага нас, өсвөр үе, залуучуудын аварга шалгаруулах нээлттэй тэмцээний нээлтийн үйл ажиллагаа өчигдөр  амжилттай зохион байгуулагдлаа. Тус тэмцээнд 26 багийн 322 тамирчид оролцож байна.

     Тэмцээний нээлтийн үйл ажиллагаанд Говьсүмбэр аймгийн Засаг даргын орлогч Б.Наранбаатар, Монголын боксын холбооны ерөнхий нарийн бичгийн дарга Ц.Батнасан, Монгол Улсын хөдөлмөрийн баатар гавьяат тамирчин П.Сэрдамба

Монгол Улсын гавьяат тамирчин Д.Лхагва, Монгол Улсын гавьяат дасгалжуулагч А.Гантулга нар оролцов.

     Мөн Монгол Улсын гавьяат дасгалжуулагч Батсүрэн, Монгол Улсын гавьяат дасгалжуулагч Г.Ганхуяг нар хүрэлцэн очсон байлаа. Тэмцээний нээлтийн үеэр Говьсүмбэр аймагт  боксын спортын анхны дасгалжуулагчаар ажиллаж байсан, Дархан-Уул аймгийн БТСХ, “Бурхан Халдун” боксын клуб дасгалжуулагч, спортын мастер Готовын Төгсбаяр багшид хүндэтгэл үзүүлэн цаашдын ажил хөдөлмөрт нь амжилт хүслээ.