Итали Улсад болж буй таеквондо-гийн дэлхийн аварга шалгаруулах тэмцээний гурав дахь өдөр манай тамирчид медаль хүртлээ. Багийн түль буюу хөдөлгөөнт тоот дасгалын төрөлд Ц.Дэлгэрцэцэг, М.Мөнхжаргал, Б.Амаасүрэн, Н.Энхнаран нар мөнгөн медаль авлаа.

    Харин  О.Мөнххүслэн өсвөр үеийн хөвгүүдийн 14-15 насны тулааны 50 кг-ын жинд хүрэл медаль, М.Хүслэн, Х.Шинэ-Учрал нар охидын 14-15 насны 50 кг-ын жинд хүрэл медаль, Д.Түвшинбилэг “U18” насны ангиллын 45 кг-ын жинд хүрэл медаль тус тус хүртлээ. ДАШТ-ий гурван өдрийн дараах байдлаар Монгол Улсын баг тамирчид нэг алт, долоон мөнгө, 9 хүрэл медаль хүртжээ. Дэлхийн аварга шалгаруулах тэмцээн насанд хүрэгчид, өсвөр үе, мастерс ангиллын тэмцээнүүдээр үргэлжилж байна.