Монгол Улсын ширээний теннисний холбоо “Blue Badge” зэрэглэлийн олон улсын шүүгчтэй боллоо. Олон улсын шүүгч Батхишигийн Буянбат нь 2024 оны арваннэгдүгээр сард Шведэд болсон өсвөрийн ДАШТ-д ажиллаж олон улсын шүүгчийн ахисан түвшний шалгалтад тэнцсэн байна.

    Улмаар  2025 оны долдугаар сард Хонконгод,  есдүгээр сард Бангкокод зохион байгуулагдсан “WTT” (World Table Tennis) цуврал тэмцээнүүдэд ажиллан мэргэжилтнүүдийн үнэлгээнд амжилттай тэнцсэнээр уг болзолыг хангажээ.

   Олон улсын шүүгч Б.Буянбат нь цаашид ширээний теннисний олон улсын хамгийн дээд түвшний тэмцээнүүдэд шүүгчээр ажиллах эрхтэй болсон байна.