Завхан аймгийн Завханмандал сумын харьяат “Гэгээнтэн корпораци” болон “Завхан Даян” дэвжээний бөх аймгийн начин Бат-Эрдэнийн Жигжидсүрэн 2023 онд Завхан аймгийн баяр наадамд тав даван шөвгөрч аймгийн начин цол хүртэж байжээ. Өдгөө тэрбээр Улаанбаатар хотод бөхийн өргөөний улс аймаг, аймаг цэргийн цолтой бөхчүүдийн барилдаанд нутаг орныхоо нэрийг гарган сайн барилдаж байгаа билээ.

      Залуу начингийн энэхүү амжилт, цолыг нь мялаан Анхбаатар захиралтай “Гэгээнтэн корпораци” ХХК-ийн Монхооны Очиржанцан захирал, “Хан Хүннү констракшн” ХХК-ийн Бүрэнжаргал захиралтай “Нарс модны төгөл” ХХК-ийн зүгээс Баянзүрх дүүргийн 29-р хорооны нутаг дэвсгэрт баригдаж буй “Гэгээн-Өргөө-2” хотхоны барилгаас нэг өрөө орон сууцаар урамшуулжээ.