Гүрж Улсын нийслэл Тбилиси хотод үргэлжилж буй 2025 оны холимог тулааны залуучууд болон насанд хүрэгчдийн ДАШТ-ий хагас шигшээ шатны тулаанууд өнөөдөр явагдаж байна. Залуучуудын ангиллын -65.8 кг-ын жинд ОУХМ Байгалмаагийн Алтанчимэг хагас шигшээгийн тулаанаа Украины Евгения Какаматай хийж хоёрдугаар үед гарт өчих мэхээр ялалт байгууллаа.

     Ийнхүү Б.Алтанчимэг дэлхийн аваргын финалд шалгарч алтан медалийн төлөө маргааш Ангол Улсын тамирчин Надир Виеиратай тулалдахаар болж байна. Шигшээ шатны тулаанууд маргааш Тбилисийн “New Sports Palace” ордонд Монголын цагаар 21:30 цагаас явагдах болно.  Холимог тулааны ОУХМ Б.Алтанчимэг одоо 20 настай бөгөөд 2024 онд холимог тулааны залуучуудын ДАШТ-д анх удаа оролцож хүрэл медаль хүртэж байсан юм.