Дархан-Уул аймгийн хотын сагсан бөмбөгийн охидын өсвөрийн шигшээ багтай ажиллахаар Босни герцеговин Улсын мэргэжилтэн Драгана Свитлица дасгалжуулагч хүрэлцэн ирлээ. Тэрбээр 2004-2017 онуудад Босни герцеговин Улсын сагсан бөмбөгийн эмэгтэй шигшээ багийн тоглогч байсан юм.

     Тоглогчийн карьераа дуусгаад 2022-2024 онуудад Босни герцеговин Улсын охидын “U18” шигшээ багийн ахлах дасгалжуулагч, 2024-2025 онд Швед Улсын “Марк Борас” багийн ахлах дасгалжуулагчаар тус тус ажилласан туршлагатай. Дархан хотод “U13” болон “U15” насны охидын багтай ажиллах бөгөөд удахгүй нээлттэй сонгон шалгаруулалт, бэлтгэлийн хуваарийг зарлах юм байна.