Холимог тулааны 2025 оны залуучууд, насанд хүрэгчдийн ДАШТ-д оролцох Монгол Улсын баг тамирчид өнөөдөр эх орноосоо мордлоо. Дэлхийн 80 гаруй орны шилдэг холимог тулаанчид хуран чуулах энэ жилийн дэлхийн аварга Гүрж Улсын нийслэл Тбилиси хотод есдүгээр сарын 26-наас аравдугаар сарын 2-ны өдрүүдэд зохион байгуулагдах юм.

     Тэмцээний залуучуудын ангиллын эмэгтэйчүүдийн  65.8 кг-ийн жинд ОУХМ Б.Алтанчимэг өрсөлдөх бол насанд хүрэгчдийн эрэгтэйчүүдийн -52.2 кг-д Б.Даваажав, Х.Пүрэвтөмөр, -56.7 кг-д О.Дашням нар эх орноо төлөөлөн октагонд гарна. Баг тамирчдыг ахлан “Ширэн бээлий” бокс, кикбокс, “ММА” клубийн дасгалжуулагч Г.Чулуунхуяг ажиллах юм байна.