Жүдо бөхийн залуучуудын дэлхийн аварга, ОУХМ Лхагвасүрэнгийн Сосорбарам Баянхонгор аймгийн Эрдэнэцогт сумын хүүхэд, залууст жүдо бөхийн өмсгөл гардуулан өглөө.  Тус сум спортын боловсрол, хүмүүжил олгох зорилготой “Дайчин” бөхийн дэвжээ албан ёсоор байгуулж, үйл ажиллагаагаа эхлүүлжээ.

   Тус “Дайчин” дэвжээ нь үндэсний бөх, чөлөөт бөх, жүдо бөхийн төрлөөр хүүхэд, залуусыг сургаж, бэлтгэнэ. Ийнхүү сум орон нутгийн хүүхэд залуус сонирхсон бөхийн спортоороо хичээллэх шинэ боломжтой боллоо.